輕輕鬆鬆上小學

踏上小學,孩子好像一瞬間成熟了許多。作為父母,又有不一樣的擔心。他們上幼稚園時,處處有老師照顧,上洗手間有姨姨,課室又有班主任,又有助教老師。每天三小時的校園生活,老師總安排得妥妥貼貼。家長和小朋友都沒有多大的壓力,香港絕大部分的幼稚園有沒有默書、測驗、考試,功課量也不多。三年的幼稚園生活,可算是輕輕鬆鬆的。

時間飛逝,筆者的小兒子在這個暑假後便升上二年級。過去一年,確實是多姿多彩又充實。聽見別人提到由K3升上小一也有適應期,也要為他們作出心理和生理的準備。那到底是甚麼一回事呢?就讓我分享小兒子的一段話,希望大家也有所得著吧!

對孩子來說,他們確實有情感上的依賴。上小學後,孩子跟老師的關係不像從前那麼密切。他們要面對任教不同科目的老師,而老師們也就著本科的知識,有不同的要求。究竟,我們可怎樣把事情解釋得輕鬆而富有挑戰性呢?以下是當時我與K3的小兒子的一段對話:

媽媽: 謙謙,媽媽知道宜家班主任Miss Yip教哂中、英、數喎!
謙謙: 唔係! Miss Yip只係教中文同埋數學咋! 英文係Miss Mason教架!
媽媽: 你知唔知原來小學仲有好多科目㗎!
謙謙: 我知! 有常識!
媽媽: 你又知?
謙謙: 因為我有幫家姐背書。
媽媽: 咁勁? 家姐六年級喎!
謙謙: 因為我叻!
媽媽: 咁仲知唔知有冇其他科目呀?
謙謙: 知! 有跑步堂!
媽媽: 跑步堂?
謙謙: 仲可以打波!
媽媽: 唔只跑步同打波,仲有其他運動項目㗎,呢堂叫體育堂。
謙謙: 我記得啦!家姐叫佢做PE堂。
媽媽: 係呀!入到小學有好多唔同嘅科目,而每一個科目都有唔同嘅老師教。
謙謙: 點解要咁多?
媽媽: 因為上到小學你已經係大哥哥喇! 你可以學得更叻同更多。而且每一個老師都有自己的專長。同埋佢哋唔會淨係好似而家咁樣教一班㗎!佢哋可能要教高年級嘅大哥哥大姐姐,又要同時間教你哋。所以你唔會係同一個老師教晒你咁多科㗎! 有多啲老師陪你玩唔係仲好咩?
謙謙: 咁我咪好忙?
媽媽: 放心!學校有小息同埋午膳時間比小朋友休息嘅!
謙謙: 好似家姐咁樣?
媽媽: 係!你會一樣好似家姐咁叻!

小朋友升上小學後,實在少了一些相處的時間。所以筆者更加珍惜每晚的睡前閱讀。家長們,子女需要的是正向的訊息及鼓勵性的說話。多花點時間進行 pillow talk。你將會驚訝你倆的關係從未如此親密!

上一頁
下一頁